"Заң және тәртіп" айлығы аясында 5-10 сынып ұлдарының қатысуымен жиналыс

Мемлекет басшысы құқық қорғау органдарының басшыларымен кеңесте «Заң және Тәртіп» қағидатын ұстану қоғамның идеологиялық және саяси нұсқаулығына айналуы қажет екенін атап өтті. Президент: «Әділетті  Қазақстан – Заң мен Тәртіп үстемдік құратын ел», – деді. Бұл жаңа қоғамдық келісімнің іргетасында тұрған маңызды постулат. Осы орайда мектепте "Біртұтас тәрбие" бағдарламасы жоспарына сай "Заң және тәртіп" айлығы аясында 5-10 сынып ұлдарының қатысуымен жиналыс өтті. Жиналысқа мектеп директоры К.Боржуков, ДТЖО А.Ертаева, мектеп психологі Г.Нурмаханбетова,  АӘ және ТД пәні мұғалімі Н.Билібаев, сынып жетекші Ә.Керимов қатысты. Жиналыста заң және тәртіп туралы түсінік берілді. Мектеп директоры   заң мен тәртіпке бағынған ел ғана қауіпсіз қоғам, құқықтық мемлекет қалыптастыра алатынын, заңды сақтау-әділеттіліктің, теңдікпен тәртіптің кепілі екендігін айтып, түсіндірді. Сонымен қатар құқық бұзушылықтың алдын алу, әлімжеттік, бопсалаудың алдын алу туралы түсіндірді. Ұл балаларға түнгі мезгілде көшеде, кафеде, ойын-сауық  орталықтарында жүруге болмайтындығы айтылды. Ұлдардың тәртібі, сабаққа кешігу мәселелері қаралды.     Жиналысты қорытындылай келе ұл балалар өздерінің құқықтары мен міндеттерін ұғынды.

#Біртұтас_тәрбие#Жамбыл#34ЖОББМ