"МЕКТЕП ПЕН ОТБАСЫ - БІР МАҚСАТ, ОРТАҚ ТӘРБИЕ"

"МЕКТЕП ПЕН ОТБАСЫ - БІР МАҚСАТ, ОРТАҚ ТӘРБИЕ"

№34 ЖОББМ-де 2025 жылдың 11 қыркүйек күні мектеп ішілік ата-аналар жиналысы өтті. 

КҮН ТӘРТІБІНДЕГІ МӘСЕЛЕЛЕР:

2025-2026 оқу жылындағы мектеп формасының сақталуы  

Балалардың қауіпсіздігін сақтау, жолда жүру ережесі  

(көлік, электросамокат, мопед, мотоцикл) зорлық-зомбылық, буллинг, кибербуллинг бойынша түсіндіру жұмыстары  

Мектептің ішкі тәртіп ережесі туралы  

«Адал азамат» бірыңғай тәрбие бағдарламасын таныстыру  

Ата-аналар қоғамдық кеңесінің құрамын қайта сайлау, «Ағалар», «Әжелер», «Жеңгелер» мектебінің құрамын анықтау.

Ата-аналар жиналысында мектеп директоры К.А.Боржуков ата-аналарға жаңа оқу жылына сәттілік тілеп, күн тәртібіндегі мәселелерге тоқталды. Қазіргі таңдағы басты мәселе бала қауіпсіздігі, құқық бұзушылықтың алдын алу, зорлық-зомбылық, буллинг мәселелерін көтерді. Ата-аналарға құқық бұзушылық туралы бейне ролик көрсетіліп, ой бөлісті. Сонымен қатар ұялы телефондарды сабақ үдерісінде пайдалануға тыйым салу, ыстық тамақ т.б мәселелері көтерілді. ДТЖО А.Ертаева кәмелетке толмаған жасөспірімдер арасында құқық бұзушылықтың алдын алу және түнгі мезгілде көшеде жүруі бойынша түсіндіру жұмыстарын жүргізді. Мектеп психологі Г.Нурмаханбетова буллингтің алдын алу бойынша ата-аналарға кеңес берді.  Әр түрлі мәселелер бойынша мектеп медбикесі З.Кенжетаева сөз алып білім алушылардың санитарлық тазалығы туралы айтты. Білім алушыларды ата-анамен мектеп бірлесе отырып тәрбиелегенде жақсы нәтижеге қол жеткізетініміз анық.