Меркі ауданы білім бөлімінің басшысы А. Алтынбаева мен мектеп директоры Е. Далиевтың ұйымдастыруымен мектебіміздің 20 білім алушысы тарихы терең Түркістан қаласына саяхат

Мемлекет басшысы Қасым-Жомарт Тоқаев 2022 жылды «Балалар жылы» деп жариялаған болатын. Осыған орай Меркі ауданы білім бөлімінің басшысы А. Алтынбаева мен  мектеп директоры Е. Далиевтың  ұйымдастыруымен мектебіміздің 20 білім алушысы  тарихы терең Түркістан қаласына саяхат жасап, жаңа әрі тартымды демалыс орындарын аралады. Өрендер  алғашында шырайлы Шымқаладағы ЗООбақта болып, ондағы әлемнің  сан тарабынан әкелінген хайуанаттарды қызықтап, Ахмет Яссауи кесенесінде  болды. Киелі орындарда балаларға тарихи-танымдық ақпараттар берілді. Оқушылар ер түріктің бесігі атанған қаланың бұдан өзге де  қасиетті орындарында болып, тарихи жәдігерлермен жақынырақ танысты. Сонымен бірге кесене маңындағы жаңа кейіпке енген демалыс орындарын аралады. «Керуен сарайда» тыныққан балалар қабылдау орталығына келіп, Түркістанның тарихымен, туристік орындарымен танысты. «Сиқырлы керуенде» асыр салып ойнап, тарихи-мәдени этнографиялық орталығын тамашалады. «Хандар ордасы» монументіне барып, қазақ хандарының тарихымен танысты. Түркі әлемінің орталығын алаңсыз аралап, қиялдарына қанат біткен балалар Түркістанның көз тартар сұлулығына сүйсінгендерін жасыра алмады. Мереке сыйлаған азаматтарға алғыстарын білдіріп, оқуда озат болатындарын жеткізді.