№ 34 жалпы орта білім беретін мектепте Жамбыл ауылдық округ әкімі Е. Б. Байбосыновпен кездесу ұйымдастырылып "әкім сағаты"

Мемлекет басшысы Қасым-Жомарт Тоқаев «2022 жыл – Балалар жылы» деп жариялады. Бұл дегеніміз биылғы жылы жас буынның тәрбиесі мен біліміне баса мән берліледі деген сөз. «Балалар – мемлекетіміздің болашағының кепілі. Сол себепті келесі жылды Балалар жылы деп жариялау керек деп есептеймін», – деді ҚР Президенті. Жас ұрпақ тәрбиесі – адамзаттың елеулі тақырыбы. Ұлттың бүгіні де, болашағы да тәрбиелі ұрпаққа байланысты. Кез келген халық ұрпақ тәрбиесін – ұлттың тағдыры, болашағы деп біледі. – Мен Мемлекет басшысы ретінде өскелең ұрпақтың болашағына баса мән беремін. Жастарға зор үміт артамын. Жастарымыз атқарылып жатқан ауқымды жұмыстың, реформалардың игілігін міндетті түрде көреді деп Президентіміз атап өтті. Мем лекет басшысының тапсырмасын орындау мақсатында "Балалар жылын" толыққанды атап өту мақсатында Республика бойынша бірыңғай іс-шаралар жоспары жасалып, жоспарға сәйкес ағымдағы жылдың 12 сәуір күні № 34 жалпы орта білім беретін мектепте Жамбыл ауылдық округ әкімі Е. Б. Байбосыновпен кездесу ұйымдастырылып "әкім сағаты" өтті. Кездесу барысында Е. Байбосынов биыл «Балалар жылы» деп жарияланып отыр. Президент бұл жылды тек ұрандап немесе мереке түрінде атап өту ғана емес, балаларды қорғау мақсатында ең алдымен билік тарапынан денсаулық сақтау, білім беру және әлеуметтік қамсыздандыру саласында нақты іс-шаралар жасалуы керектігін қадап айтқандыңын айта отырып балалар жылының мақсаты мен міндеттеріне тоқталып, ауданымызда балаларды қорғау, олардың шығармашылықтарын дамыту мен қолдау мақсатында мемлекет тарапынан атқарылған және алдағы уақытта жүзеге асатын жобалар туралы айтып өтті. Балалар мемлекеттің болашағы екені анық, сондықтан мемлекет тарапынан биылғы жылы талантты және дарынды балаларды қолдау мақсатында республикалық, халықаралық олимпиада, түрлі байқау жеңімпаздарына бір жолғы шәкіртақы беретінін, мектеп түлектері болса грантқа тестті екі рет тапсыру мүмкіндігіне ие болғандығын және грант саны көбейтілгенін атап өтті. Ауыл әкімі білім алушыларды беріліп отырған мүмкіндікті толыққанды пайдаланып, сапалы білім алып, кемел келешекке бүгіннен бастап жол салу керектігін айтты. Әкім сағатына қатысушы білім алушылар көкейде жүрген сұрақтарын қойып, өз кезегінде қазіргі таңда жеткен жетістіктерімен бөлісті. Ауыл округі тарапынан балалар үшін жасалып жатқан игі істер үшін рахметтерін айтты.