"Білім негізі-бастауышта" айлығы

№34 жалпы орта білім беретін мектептің мектепалды сыныбында мектепішілік "Білім негізі-бастауышта" айлығының жоспарына сай сыныптан тыс "Түлкі мен қоян" ертегісі сахналанды. Мақсаты: балаларға ертегінің мазмұнын түсіне білу, рөлдерге бөліп ойнату арқылы дұрыс сөйлеу мәдениетін үйрету, балалардың сөздік қорын дамыту, балаларды достыққа, әділеттілікке, ұйымшылдыққа тәрбиелеу. Балалар "Мак" ойынын секіру арқылы шаттық шеңберін құрып, бір-біріне жылулық сыйлады. "Пазл" ойыны арқылы  жабайы жан-жануарлардың бейнесін құрастырды. "Көңілді сергіту" ойыны арқылы аңдардың биін билеп сергіп алды. "Түлкі мен қоян" ертегісі балаларды адалдыққа, тапқырлыққа, баулитын тәрбиелік мәні бар әңгіме. Ертегіде түлкінің айлакерлігі мен қоянның ақкөңілділігі суреттелген. Балалар ертегіні рөлдерге бөліп ойнады. Ертегі кейіпкерлерін жақсы рөлге бөліп ойнағандары үшін мақтау қағаздарымен марапатталып, балалар жақсы көңіл күйде болды.