«Бастауыш сынып-білім бастамасы» айлығының жоспарына сәйкес қазақ тілі пәнінен «Дауыссыз қ мен ғ» тақырыбында ашық сабақ

N34 жалпы орта білім беретін мектебінің бастауыш сынып мұғалімі Мұсаева Г. М. 2-сынып оқушыларымен «Бастауыш сынып-білім бастамасы» айлығының жоспарына сәйкес қазақ тілі пәнінен «Дауыссыз қ мен ғ» тақырыбында ашық сабақ өткізді. Сабақ мақсаты:  Қ, ғ әріптерінің емлесін сақтап жазады. Негізгі ойды анықтап, сұрақтарға жауап береді. Сабақты оқушылардың көңіл-күйін сұрап, жағымды ахуалмен бастады. Үй тапсырмасын «жарық» әдісі арқылы пысықтап, жаңа сабақ тақырыбын дауыссыз дыбыс түрлеріне ажыратып  «құмырадағы гүл» әдісімен өткен дыбыстарды қайталай отырып, осы дыбыстарға байланысты жұмбақ шешіп жаңа сабақ тақырыбын ашты. Жаңа сабақта «сиқырлы дөңгелекті» айналдыру арқылы тапсырманы орындап ережені құрастырды. Жұптық жұмыс «пазл» әдісі арқылы сұрақтарға жауап берді. Топтық жұмыста оқушылар «стоп кадр» әдісі арқылы жұмбақты шешіп, қарамен берілген сөзге дыбыстық талдау жасады. Оқушылар жұмысы «термометр» әдісі арқылы бағаланып отырды. Сабақты қорыту үшін «plickers»  платформасында тест сұрақтарына жауап берді. Оқушылар өте белсенді болды, тапсырмаларды қызығушылықпен орындады. Кері байланыс «Көз,жүрек,қол» әдісі арқылы жүрді.