«Жастар және дін» тақырыбында аудандық ақпараттық түсіндіру

№34 ЖОББМ -де 2024 жылдың 14 қаңтар күні  жастар арасында діни экстремизммен терроризмнің алдын алу мақсатында «Жастар және дін» тақырыбында аудандық ақпараттық түсіндіру тобының теолог маманы А.Мамбетов, Жамбыл ауылдық округі әкімінің орынбасары А.Жұманұлы және мектеп директоры К.А.Боржуковтың қатысуы мен 8-9-10 сынып біілім алушыларымен кездесу өтті. Кездесу барысында  білім алушыларға діннің шығу тарихы түсіндіріліп, дін туралы кез келген сұрақ туындаған кезде ең алдымен ата-аналарының көмегіне жүгіну керек екендігі айтылып, түсіндірілді. Тәуелсіз еліміздің кішкене ғана ғұмырында дін саласы көптеген өзгерістерге еніп келеді. Жастардың діни сауаттылығы – қазіргі қоғамда күрделі әрі өзекті мәселелердің бірі. Жастардың рухани санасын оятуда діннің алар орны ерекше. Ұлттың бүгіні мен келешегі – білімді жастың қолында. Анығырақ айтқанда, тарихын терең білетін, ұлттың рухани құндылықтарын бойына сіңірген ұрпақ қана ел болашағын қалыптастыра алады. Осы орайда  білім алушыларға тек білім алып, алдарына үлкен мақсат қойып соған жетуге талпыну керек екендігі айтылды. Жауапты: ДТЖО А.Ертаева