Қазақстан халқының тілдер күні

Қыркүйек айының 5-і – Қазақстан халқының тілдер күні. Сол күнге орай №34 ЖОББМ те тілдер мерекесінің ашылуы өтті.Бұл мерекенің мақсаты – мемлекеттік тілді, ана тілді, сонымен қатар елімізде тұратын басқа да ұлттардың тілдерін құрметтеуге, қадірлеуге шақыру. Тіл – халықтың жаны, жүрегі, өткен тарихы мен болашағы. Әр адам үшін туған тіл – ең қастерлі құндылық.
Тілдер мерекесінде түрлі мәдени шаралар өткізіледі: өлең оқу, ән айту, көріністер көрсету, мақал-мәтелдер жарысы ұйымдастырылды. Мұндай іс-шаралар арқылы балалар да, ересектер де тілге деген сүйіспеншілігін білдіреді.
Біздің борышымыз – қазақ тілін дәріптеу, өзге ұлт өкілдерінің тілдеріне құрметпен қарау. Тіл арқылы адамдар бір-бірін түсінеді, достасады. Сондықтан «Тіл – достықтың алтын көпірі» деп бекер айтылмаған. Жауапты:Муртазаева Г. Б Догдырбаева Б. А Сейткулова М.М Абдукадирова Ж.