«Көп ұлтты, тату елім — Қазақстан!» атты ұлттар достығы фестивалі

1 мамыр – Қазақстан халқының бірлігі күні мерекесі қарсаңында мектепте жылдық тәрбие жоспарына сәйкес 2-9 сыныптар аралыңында «Көп ұлтты, тату елім — Қазақстан!» атты ұлттар достығы фестивалі өтті. Бұл еліміздегі ең жарқын және мерейлі мейрамдардың бірі. Қазақстан аумағында тұрып жатқан 150-ден астам ұлт пен ұлыс өкілдерінің киелі қара шаңырақта тату-тәтті өмір сүруі үшін береке мен ынтымақ, бірлік пен бейбітшілік аса қажет. Сондықтан бұл мейрамның маңызы зор. Достық фестивалінің мақсаты оқушыларға мемлекеттің өркендеуі мен дамуы ең бірінші мемлекеттің ішкі ынтымағына байланысты екенін ұғындыру. Оқушыларды ұрпақтан ұрпаққа беріліп, қанымызға сіңіп кеткен қазақтың кеңпейілділігі, мейірбандығы, мен адалдық қасиеттерін жоғалтпай дамытуға, кез келген ауытпалықтан бірліктін арқасында жеңіп шығуға болатындығын түсіндіре отырып тәрбиелеу.
1 - мамыр - Қазақстан халықтарының бірлігі күні. 1995 жылдың наурызында Дүние жүзіне үлгі болып отырған, ұлтаралық татулық пен тұрақтылықтың феномені - Қазақстан халықтары ассамблеясы құрылды. Бұл ешбір елде болмаған ерекше, саяси маңызы зор құрылым.
Бүгінде әрбір ұлтқа салт - дәстүрлерін жаңғыртуға, мәдениеті мен әдебиетін дамытуға, тілінің жетілуіне қамқорлық көрсетілуде. Дегенмен бақыт, әділдік, бейбітшілік, жарқын болашақ үшін күрес олардың бәрінің басын біріктірді.
«Бірлігі жоқ ел тозады, бірлігі күшті ел озады» дейді қазақ мақалы.
Қазақстан мемлекеті көп ұлтты. Біздің елімізде жүз отыздан астам ұлттар тұрады: ұйғыр, кәріс, дүнген, өзбек, қырғыз, түрікмен, тәжік, армян, әзербайжан, украин, белорус, түрік, шешен және тағы басқа шет мемлекеттен келген ұлттар біздің елімізде тіршілік етуде. Біз олармен татумыз, доспыз және бір - бірімізбен қоян - қолтық аралас өмір сүрудеміз.

Тілі басқа тілегі бір біргеміз,

Өздеріңмен жүздесеміз күнде біз.

Мақсат ортақ, бейбітшілік ұран боп

Татулықтан бұзылмасын іргеміз.
Ағайын - туған - бар адам.