«Тиімді тамақтану» ашық есік күні

«Тиімді тамақтану» ашық есік күні

 №34 жалпы білім беретін мектепте 17 ақпан күні  «Тиімді тамақтану» тақырыбында ашық есік күні ұйымдастырылды. Ашық есік күнінің мақсаты: білім алушылардың бір мезгіл тегін   және ата-аналар есебінен берілетін ыстық тамақпен қамтамасыз етілуі мен таныстыру, дұрыс тамақтанудың адам ағзасына тигізетін әсері туралы ата-аналарға, мектеп оқушыларына мәліметтер беру және ата-аналарды мектеп жұмысына белсене араласуға шақыру. Мектепте іс-шара жоспары жасалынып, іс –шараға ата-аналардың толықтай қамтылуы қамтамасыз етілді. Ашық есік күніне 20 ата-ана қатысты. 

        Мектеп директорының оқу -тәрбие ісі жөніндегі орынбасары Ақылбаева А.А.  ата-аналарға және оқушыларға дұрыс тамақтанудың пайдасы, салауатты өмір салтын ұстану, денсаулық сақтау шаралары, дұрыс тамақтанудың ережелері туралы түсіндірді.

     Медбике Қ.Тыналиева «Дұрыс тамақтану ережелері» тақырыбында баяндама жасап, дұрыс тамақтанудың адам ағзасына тигізер пайдасы мен кері әсері туралы түсіндіру жұмысын жүргізді. Ата-аналар мектеп асханасындағы бір мезгіл тегін ыстық тамақпен қамтылған оқушылардың тамақтану сәтініне қатысып, асхананың  жұмысымен танысты.