"Бала құқығы – асыл қазына" тақырыбында 11-сыныпта тәрбие сағаты

№34 жалпы орта білім беретін мектебінде "Бала құқығы – асыл қазына" тақырыбында 11-сыныпта тәрбие сағаты өтті.

Тәрбие сағатының мақсаты:

1. Оқушыларға баланың құқықтары мен міндеттері туралы түсінік беру.

2. Құқықтық сауаттылықты арттыру және құқықтарын қорғауға үйрету.

3. Әділеттілікке, жауапкершілікке тәрбиелеу.

Сабақ барысында оқушылар бала құқықтары туралы Конвенцияның 18 жасқа толғанға дейінгі құқықтары мен бостандықтарын бекітетін халықаралық құқықтық акт екенін білді. Сонымен қатар, Қазақстан Республикасындағы "Баланың құқықтары туралы" заңмен танысып, оның 10 тараудан және 53 баптан тұратынын ұқты. Оқушылар заңның бірнеше бабының мазмұнына тоқталды.

Бала құқықтары – бұл әрбір баланың туғаннан бастап халықаралық және мемлекеттік деңгейде мойындалған, заңмен қорғалатын құқықтары мен еркіндіктерінің жиынтығы екенін оқушылар түсінді.

Мұндай құқықтарға:

Өмір сүру,

Білім алу,

Денсаулық сақтау,

Тұлғалық даму,

Ата-ана қамқорлығын көру,өз пікірін білдіру, қауіпсіз ортада өмір сүру және дискриминацияға ұшырамау құқығы жататынын анықтады.

Оқушылар бала құқықтарын қорғау мемлекеттің және қоғамның басты міндеттерінің бірі екенін түсінді.

Сынып жетекшісі:Муртазаева Г.Б.