"Ана- өмір шуағы, қыз - болашақ нұры" тақырыбында аналар мен қыздарға арналған сырласу кеші

Ағымдағы жылдың 12-ші мамыр күні  №34 ЖОББМ-те мектеп тәлімгерінің жоспарына сай "Аналар күні" мерекесіне орай "Біртұтас тәрбие"  бағдарламасы аясында   "Ана- өмір шуағы, қыз - болашақ нұры" тақырыбында аналар мен қыздарға арналған сырласу кеші ұйымдастырылды. Мақсаты: Ана мен қыз арасындағы рухани байланысты нығайту, ұлттық тәрбие мен отбасылық құндылықтарды насихаттау, ананың қызына деген мейірімін, шапағатын сезіндіру, қыз тәрбиесінің маңыздылығын дәріптеу болды. 

Кеш барысында аналар мен қыздары әртүрлі бағыттағы іс-шараларға қатысты. Кеш 6-бөлімнен тұрды:

1. Қатысушылар өздерін таныстыру

2. "Сырлы сұхбат" ана мен қыз арасында сұрақтар қойылды.

3. "Ананың ақ сүті" ойыны. Аналар қыздары туралы мақалдың жалғасын табу, қыздары ана туралы мақалдың жалғасын табу

4. Қыздар "Анаға арнау" поэзиялық сәттерін көрсету,  аналары "Менің қызым-менің айнам" тақырыбында постер қорғау

5. "Ана дана, қыз-бала" анасы мен қызына дәстүрлі түрде сұрақтар қойылды.

6. "Жүректен шыққан жылы сөз" қыздарының қолындағы әріптерден, аналары қыздарына арнап теңеулер айтылды.

Ана мен қыз арасындағы рухани байланыс нығайып, мерекелік көңіл-күй қалыптасты. Мектеп директоры Боржуков Қ.А. аналарға  қыздарыңыз қызғалдақтай құлпырып, көркем болсын, ұлдарыңыз ізгі армандарыңызды орындайтын тұлға болсын деп ізгі тілегін білдірді. Мектеп  психологі Нұрмаханбетова Г. Б. өз алғыс тілектерін білдіріп, қатысушыларды алғыс хаттармен марапаттады.

Мектеп тәлімгері: Акылбаева И.