"Таза табиғат" республикалық акциясы

22 наурыз мерекесіне орай 34 ЖОББМ "Таза табиғат" республикалық акциясы аясында білім алушыларды табиғатты аялауға, қоршаған ортаны қорғауға баулу,  экологиялық тәрбие беру мақсатында "Әр отбасынан бір ағаш" тақырыбында  челлендж ұйымдастырылды. Игі істің басында мектеп директоры Е. Далиев болып, іс-шараға қатысушыларға  бастамаларына сәттілік тілеп, өткізіліп жатқан челленждің мақсатымен таныстырып, «Бұтақ жайған ағаш қартаймайды, ұрпақ жайған адам қартаймайды» дейді. Соңғы кездері тал егу дәстүрі еліміздің түкпір-түкпірінде қолға алынып, тиянақты мән берілуде. Мұның өзі қоғамға пайдасы зор игі бастама емес пе? Осындай шараны тек мектеп пен мекеме ауласында ғана емес, сонымен бірге, әр отбасы өз үйлерінің аула ішінде тал отырғыза білсе, нұр үстіне нұр болар еді- деген тілек ойын білдірді.