«Білім келешегі: адал азамат, кәсіби маман» тақырыбында жаңа оқу жылының алғашқы №1 педагогикалық кеңесі

Республика бойынша бірыңғай педагогикалық кеңес өткізу аясында, №34 жалпы орта білім беретін мектебінде  27 тамыз күні «Білім келешегі: адал азамат, кәсіби маман» тақырыбында  жаңа оқу жылының алғашқы №1 педагогикалық кеңесі өтті. Жаңа оқу жылы – әрбір білім ошағы үшін жаңа бастама, жаңа мүмкіндік. 2025–2026 оқу жылында еліміздің мектептері білім беру сапасын арттыруға, оқушылардың жеке қабілетін дамытуға және ұлттық құндылықтарды дәріптеуге бағытталған нақты мақсаттар қойып отыр. Біздің мектепте  осы бағытта білім беру саясатын жаңаша тұрғыдан құрып, басты басымдықтарын айқындады.  Педагогикалық кеңеске "ӨРЛЕУ" БАҰО" АҚ Жамбыл облысы бойынша Кәсіби даму институтының аға оқытушысы Райымбекқызы Ақжарқын, Меркі ауданы білім бөлімінің әдіскері Сейсебай Аяулым Дәулетқызы қатысты. Педагогикалық кеңес барысында "Әдістемелік нұсқау хат", «Адал азамат» құндылықтары , “Академиялық адалдық”, “ЖИ-ді білім беруде тиімді қолдану”  жайлы ақпараттар беріліп, мектептің оқу-тәрбие жоспары және  мектептің ерекшеліктерін ескере отырып басқада жоспарлар бекітуге ұсынылды.