*«Жаздағы қауіпсіздік ережелері»*

2-сыныпта сыныбында *«Жаздағы қауіпсіздік ережелері»* тақырыбында тәрбие сағаты өткізілді. Сабақтың мақсаты: – оқушыларға жаз мезгілінде болатын қауіпті жағдайлар туралы түсінік беру, өз қауіпсіздігін сақтай білуге тәрбиелеу.

Оқушыларға шомылу маусымындағы қауіпсіздік, жолда жүру ережесі, өрт қауіпсіздігі, күн өту мен улы жәндіктерден сақтану жолдары туралы мәліметтер берді. Балалар өз ойларын ортаға салып, жағдаяттар шешіп, сұрақтарға белсене жауап берді. Мектеп инспекторы Дүйсебай Ерік оқушыларға жолда жүру ережесі мен кәмелетке толмағандардың көлік айдауға ( мопед, скутер, электросамокат) болмайтынын ескертті.

Сабақ барысында бейнематериал көрсетіліп, қауіпсіздік белгілерімен жұмыс жүргізілді. Оқушылар "Қауіпсіздік бұрышы" көрнекілігін жасап, ережелерді еске сақтады. 

*Қорытынды:* Оқушылар жазғы демалыс кезіндегі қауіпсіз мінез-құлық туралы мағлұмат алды, өз өміріне жауапкершілікпен қарау керектігін түсінді.