«Өмір теңіз жүзем онда демеңіз-ізгіліктен жасалмаса кемеңіз»

№34 ЖОББМ Психологиялық кеңес беру айлығы жоспары аясында Тулесбаева Ғ. «Өмір теңіз жүзем онда демеңіз-ізгіліктен жасалмаса кемеңіз» тақырыбында мұғалімдер мен оқушылар арасында ой таным ұйымдастырып өткізді. 

      Мақсаты: Оқушылардың өмірге құштарлықтарын, қызығушылықтарын ояту. Өмірдің мәні туралы ой пікірлерін ортаға салу, өмірге жақсы көзқараспен қарауға, қадірлей білуге, бағалауға тәрбиелеу. Өмірден өз орындарын табуға, айналасына қуаныш сыйлай білуге үйрету. 

     1. «Мен өзімді...таныстырғым келеді».  Педагогтар мен оқушылар  өздерінің атына сын есім немесе зат есім қосып таныстырып шықты.

    2. Қатысушыларға түрлі-түсті қағаздардан жасалған фигура беріліп екі топқа бөлді.

   3. Бейнебаян көрсетіліп, талқыланды. Бейнебаянда не көрсетілді?, Қандай тақырыпқа жазылған?, «Өмір дегеніміз не?», «Өмір қаншалықты қызық», «Өмір мәні неде?», «Өмір несімен қымбат?» тақырыптарында саулдар берілім оқушылар мәнді де, маңызды, әдемі ойларымен өз пікірлерін айтып шықты, жетекші оны толықтырып отырды.

   4. Келес ікезеңде мұғалімдерге арналған сұрақтар болды. Олар: 1. «Өмір теңіз» дегенде сіз не ойлайсыз? Өмірді теңізге қалай теңеуге болады?. 

2. Ізгіліктен жасалмаса кемеңіз деген ойды қалай түсінесіз? Ізгілік пен қиянат арасындағы айырмашылықты түсіндіріңіз.

3. Өмірдің әртүрлі  кезеңдерінде адамдарға көмектесу мен ізгілік көрсету қандай маңызды роль атқарады деп ойлайсыз?.

4. Теңізде жүзгендей өмірде де қиындықтар болатынын, сол қиындықтарды жеңуге қандай моральдық құндылықтар көмек береді?.

5. Кемемен жүзіп келе жатқан адамға қандай кеңестер бере аласыз, ол өзін өмірдің теңізінде қалай дұрыс бағыттап, жалғыздық пен қиындықтарды жеңе алады? Тағы басқа сауалдар төңірегінде ой-пікірлерін жақсы, түсінікті қылып айтып өтті. 

     Мұғалімге арналған бұл танымдық сұрақтар оқушылардың өмір, ізгілік және өзара қарым-қатынастар туралы түсініктерін тереңдетті.

    Келесі тапсырма «Топтас, ойлан, жұптас» постер қорғау мұғалімдерге берілді. «Өмірде ешқашан оралмайтын 3 нәрсе». «Өмірде адамды құртатын 3 нәрсе» туралы постер қорғап шықты.

     Оқушылар «Өміршеңдік ережесі» ортаға шығып мотивация беретін сөздерді айтып шықты.