30
сәуір
2021
" Жігіт сұлтаны-2021" байқауы
Ағымдағы жылдың 28 сәуір күні №34 жалпы орта білім беретін мектепте " Жігіт сұлтаны-2021" байқауы өтті. Байқауға 7-9 сынып оқушылары қатысты. Байқау 5 кезеңнен тұрды. Қатысушылар өздерін бейнебаян түсіріп таныстырса, келесі кезеңде көрерменге өз өнерлерін паш етті. Үй тапсырмасы ретінде берілген өз қолдарынан жасаған бұйымдарды таныстырғанда қатысушы жігіттердің бойында қолөнер жасауға икемділіктерінің бары байқалды. "Күш атасын танымас" кезеңінде боз балалар қол күрестіру, арқан тарту сынды жарыс түрлерінен күш сынасты. Соңғы айналым, қазақ халқының салт дәстүрі тақырыбында қойылған сұрақтарға ұтымды жауап берген қатысушылар да болды. Байқау қорытындысы бойынша өзінің ерекше ептілігі мен жоғары дәрежедегі дайындығының арқасында бас жүлдені 7 сынып оқушысы Төстік Таңнұр иеленді.
