"Жолда жүру ережесі – өмір қауіпсіздігінің негізі"

№34 жалпы орта білім беретін мектептің 9-сынып білім алушыларымен "Жолда жүру ережесі – өмір қауіпсіздігінің негізі" тақырыбында тәрбие сағаты өткізілді.

Тәрбие сағатының мақсаты – оқушылардың жолда жүру мәдениеті туралы білімдерін арттыру, жол ережесін сақтаудың маңыздылығын түсіндіру, қауіпсіздік дағдыларын қалыптастыру болды.

Іс-шара барысында оқушыларға жолда жүру ережелері – бұл жаяу жүргіншілердің, көлік жүргізушілерінің және жолаушылардың жолда қауіпсіз қозғалуын қамтамасыз ететін арнайы тәртіптер мен талаптар жиынтығы екені түсіндірілді. Бұл ережелердің мақсаты – жол-көлік оқиғаларының алдын алу және адамдардың өмірі мен денсаулығын сақтау.

Оқушылар жол белгілерімен танысып, түрлі жағдаяттар бойынша сұрақтарға жауап берді. Сонымен қатар, бейнероликтер көрсетіліп, талдау жұмыстары жүргізілді.

Тәрбие сағаты өте пайдалы әрі мазмұнды өтті. Оқушылар өздерінің жолда қауіпсіз жүру жауапкершілігін жақсы түсініп, белсенділік танытты. 

Сынып жетекшісі: Акылбаева А. А.