«МЕКТЕБІМ-МЕЙІРІМ МЕКЕНІ»

Бүгінгі күн  1 – қыркүйек, Білім күні мерекесі егеменді еліміздің барлық білім ордаларында мерекеленуде. Осы орайда мектебімізде «МЕКТЕБІМ-МЕЙІРІМ МЕКЕНІ»  тақырыбында 1,9,11-сынып білім алушыларының қатысуымен салтанатты жиын  өткізілді. Салтанатты іс-шараның мақсаты: жаңа оқу жылының басталуы қарсаңында білім алушылардың бойында білімнің басымдылығы мен маңыздылығын және жағымды көңіл-күй, оң көзқарас қалыптастыру. Салтанатты жиынға қатысушылар сапқа тұрғызылып, ҚР-ң мемлекеттік Гимні орындалды.  Мектеп директоры К.А.Боржуков барша  ұстаздарды және мектеп табалдырығын алғаш аттап отырған 1-сынып бүлдіршіндерін жаңа оқу жылымен құттықтай отырып,  шын жүректен баршаңызға бейбітшілік, зор денсаулық, жаңа табыс, жеміс тілейтінін жеткізді. Салтанатты жиынға қатысушы қонақтарымыз Меркі ауданы білім бөлімінің әдіскері А.Сейсебай мен ардагер ұстаздарымызда өз құттықтауларын білдіріп, 1-сынып бүлдіршіндеріне "Әліппе" оқулығын табыстады.  Биыл ойшыл ақын Абай Құнанбаевтың туғанына 180 жыл толуына орай мектебіміздің білім алушылары Абай атамыздың  өмір жолынан үзінді қойылым қойып, қара сөздері мен өлеңдерін мәнерлеп оқыды. Мектеп табалдырығын аттаған 1-сынып білім алушылары "Қоңырау" әнін орындап, жыр шумақтарын арнап, "Әліппе" биін нақышына келтіріп билеп, алғашқы қоңырау соғылды. Биылғы 1-сынып бүлдіршіндерінің  алғашқы қадамдары құтты болып,  алтын ұя мектебінде білім нәрімен сусындап, жарқын болашаққа сеніммен қарауына тілектеспіз.