"Менің таңдауым – менің болашағым"

№34 жалпы орта білім беретін мектебінде "Жұмысшы мамандықтар жылы: кәсіби бағдар – бүгінгі мен болашағы" атты айлық аясында "Менің таңдауым – менің болашағым" тақырыбында 11-сынып жетекшісі Муртазаева Г. тәрбие сағатын өткізді.

Тәрбие сағатының басты мақсаты – оқушылардың мамандық таңдаудағы жауапкершілігін қалыптастыру, өз болашақтарына саналы түрде қарауға баулу, кәсіби бағыт-бағдар беру және психологиялық қолдау көрсету болды.

Сабақ барысында:

Мамандық таңдаудың маңызы мен өмірлік жолға тигізер әсері кеңінен талқыланды;

Арманнан бастап игеруге дейінгі қадамдар арқылы мамандық таңдаудың кезеңдері таныстырылды;

Мамандықтар классификациясы: «Адам–техника», «Адам–адам», «Адам–табиғат», «Адам–көркем образ» сияқты бағыттар бойынша ақпарат берілді;

«Психогеометрия» әдісі арқылы оқушылар өздерін тануға мүмкіндік алды;

Шығармашылық салалардағы заманауи мамандықтар (спецэффект шебері, аниматор, клипмейкер, интерьер дизайнері және т.б.) туралы қызықты мәліметтер ұсынылды.

Бұл тәрбие сағаты оқушылардың кәсіби болашаққа деген көзқарасын қалыптастырып, өз таңдауларын саналы түрде жасауға үлкен серпін берді.